Sveitarstjórnarfundur var haldinn 29. maí 2022

Details
Mánudagur, 30 maí 2022 12:49

Sveitarstjórnarfundur 29. maí 2022

Sunnudaginn 29. maí 2022 kom sveitarstjórn Kaldrananeshrepps saman til fyrsta fundar kjörtímabilsins á skrifstofu hreppsins í samkomuhúsinu Baldri á Drangsnesi. 
Fundinn sátu þau Finnur Ólafsson, Halldór Logi Friðgeirsson, Ísabella Benediktsdóttir, Hildur Aradóttir og Arnlín Óladóttir. Finnur Ólafsson leitar afbrigða og tekið verði á dagskrá sem lið 13. Aðalskipulag Kaldrananeshrepps

Oddviti setti fund kl. 20:00. Hildur Aradóttir ritar fundargerð á tölvu.


Dagskrá 1. fundar:

  1. Fundargerð 41. sveitarstjórnarfundar 4.5.2022.
  2. Kosning oddvita og varaoddvita 
  3. Siðareglur 
  4. Nefndarkjör
  5. Fyrirkomulag sveitarstjórnafunda 
  6. Fundargerðir nefnda
  7. Aðrir fundir 
  8. Umsóknir um starf skólastjóra 
  9. Úthlutun veiðidaga í Bjarnarfjarðará
  10. Erindi nemenda Grunnskóla Drangsness
  11. Beiðni Umhverfisstofnunar 
  12. Erindi Húsnæðis- og mannvirkjastofnunar


Fundargerð:

  1. Fundargerð 41. sveitarstjórnarfundar 4.5.2022
    Oddviti gerði grein fyrir afgreiðslu mála frá síðasta fundi. Lögð fram til kynningar.

  2. Kosning oddvita og varaoddvita
    Finnur Ólafsson var kosinn oddviti með 4 atkvæðum
    Hildur Aradóttir var kosin vara oddviti með 3 atkvæðum

  3. Siðareglur
    Siðareglur bornar upp, samþykktar samhljóða og sveitarstjórnarmenn staðfestu þær með undirritun sinni.
     
  4. Nefndarkjör

    Hafnarnefnd:
    Nefndin fer með málefni Drangsneshafnar skv. 10.gr hafnalaga nr. 61/2003

    Aðalmenn: Halldór Logi Friðgeirsson, Drangsnesi 
                      Magnús Ö. Ásbjörnsson, Drangsnesi
                      Margrét Ólöf Bjarnadóttir, Drangsnesi

    Varamenn: Haraldur V. Ingólfsson, Drangsnesi
                      Ásbjörn I. Magnússon, Drangsnesi
                      Halldór Höskuldsson, Drangsnesi

    Kjörstjórn til sveitarstjórnar- og alþingiskosninga.

    Aðalmenn: Jenný Jensdóttir, Drangsnesi - formaður
                      Helga L. Arngrímsdóttir, Drangsnesi
                      Marta Jóhannesdóttir, Drangsnesi

    Varamenn: Pálmi Sigurðsson, Klúku
                      Hildur S. Bruun, Bassastöðum
                      Einar Unnsteinsson, Steinholt

    Byggingar-, skipulags- og umhverfisnefnd.
    Nefndin er skipuð skv. 6. gr skipulagslaga nr. 123/2010, 14.gr laga um náttúruvernd nr. 60/2013. Finnur Ólafsson kallar nefndina saman í fyrsta sinni. Nefndin skiptir með sér verkum

    Aðalmenn: Ólafur Ingimundarson, Svanshóli
                      Finnur Ólafsson, Hóli
                     Jón H. Elíasson, Drangsnesi

    Varamenn: Aðalbjörg Óskarsdóttir, Drangsnesi
                      Arnlín Óladóttir, Bakka
                      Haraldur V. Ingólfsson, Drangsnesi

    Fræðslunefnd.
    Nefndin er skipuð skv. lögum um grunnskóla nr. 91/2008, skv. 4 gr. laga um leikskóla nr. 90/2008, og skv. lll kafla bókasafnslaga nr. 150/2012. Nefndin skiptir með sér verkum. Kristín Einarsdóttir kallar nefndina saman til fyrsta fundar.

    Aðalmenn: Kristín Einarsdóttir, Hveravík
                      Ísabella B. L. Petersen, Drangsnesi
                      Vigdís Esradóttir, Steinholt

    Varamenn: Unnur Á. Gunnarsdóttir, Drangsnesi
                      Tekla Þorláksdóttir, Drangsnesi
                      Petra Jaklová, Drangsnesi

    Fjallskilanefnd.
    Nefndin skal hafa með höndum skipulagningu fjallskila í Kaldrananeshreppi

    Aðalmenn: Árni Þór Baldursson, Odda
                      Birna Ingimarsdóttir,Kaldrananesi
                      Svanur H. Ingimundarson, Drangsnesi

    Varamenn: Ingi Vífill Ingimarsson, Kaldrananesi
                      Erna Arngrímsdóttir, Baldurshaga
                      Friðgeir Höskuldsson, Drangsnesi

    Fulltrúar á Fjórðungsþing Vestfjarða:

    Arnlín Óladóttir, Bakki
    Hildur Aradóttir, Drangsnesi
    Finnur Ólafsson, Hóli
    Halldór L. Friðgeirsson, Drangsnesi
    Ísabella B. L. Petersen, Drangsnesi

    Almannavarnanefnd Strandasýslu og Reykhólahrepps

    Aðalmaður: Finnur Ólafsson, Hóli
    Varamaður: Hildur Aradóttir, Drangsnesi

    Velferðarnefnd Stranda- og Reykhóla

    Aðalmaður: Jenný Jensdóttir, Drangsnesi
    Varamaður: Aðalbjörg Óskarsdóttir, Drangsnesi

    Fulltrúi í stjórn Félagsþjónustu Stranda- og Reykhóla

    Aðalmaður: Jenný Jensdóttir, Drangsnesi
    Varamaður: Sunna Einarsdóttir, Drangsnesi

    Fulltrúi á Landsþing Sambands íslenskra sveitarfélaga.

    Aðalmaður: Finnur Ólafsson, Hóli
    Varamaður: Hildur Aradóttir, Drangsnesi

    Fulltrúi á aðalfund lánasjóðs sveitarfélaga

    Aðalmaður: Finnur Ólafsson, Hóli
    Varamaður: Hildur Aradóttir, Drangsnesi

    Fulltrúi í Útgerðarfélagið Skúla ehf.

    Aðalmaður: Margrét Ó. Bjarnadóttir, Drangsnesi
    Varamaður: Arnlín Óladóttir, Bakka

    Fulltrúi í stjórn Fiskvinnslunnar Drangs ehf

    Aðalmaður: Gunnar Jóhannsson, Hveravík
    Varamaður: Björn Hróarsson, Bassastöðum

    Fulltrúi í stjórn Laugarhóls ehf.

    Aðalmaður: Aðalbjörg Óskarsdóttir, Drangsnesi
                       Helga Lovísa Arngrímsdóttir, Drangsnesi

    Varamaður: Auður Höskuldsdóttir, Bær 1
                       Ingólfur Árni Haraldsson, Drangsnesi

    Fulltrúi í stjórn Sorpsamlags Strandasýslu

    Aðalmaður: Finnur Ólafsson, Hóli
    Varamaður: Hildur Aradóttir, Drangsnesi
  1. Fyrirkomulag sveitarstjórnafunda
    Ákveðið að halda óbreyttu fyrirkomulagi.
    Borið upp og samþykkt samhljóða.

  2. Fundargerðir nefnda
    1. Aðalfundur Veiðifélags Bjarnarfjarðarár 2022, 22.05.2022.
      Fundargerð lögð fram til kynningar. Sveitarstjórn staðfestir.
    2. Fundur fræðslunefndar, 18.05.2022.
      Fundargerð lögð fram til kynningar. Sveitarstjórn ákveður að verða við ósk í lið 1 og 3 og veitir fjármagn til þess. Sveitarstjórn hefur leitað til fagaðila að annast stjórnun á viðhaldi skólans og vonast til þess að þeim framkvæmdum sem þörf er á verði lokið fyrir skólasetningu skólaárs 2022-2023.
      Sveitarstjórn staðfestir aðra liði.
      Borið upp og samþykkt samhljóða.

  3. Aðrir fundir 
    1. Fundargerð 49. fundar Velferðarnefndar Stranda og Reykhólahrepps, 09.05.2022.
      Fundargerð lögð fram til kynningar. Sveitarstjórn staðfestir.
    2. Fundargerð 138. fundar Heilbrigðisnefndar Vestfjarðasvæðis, 11.05.2022.
      Fundargerð lögð fram til kynningar. Sveitarstjórn staðfestir.
    3. SÍS, 18. samráðsfundur skólateymis, fræðslustjóra og sveitarstjóra þar sem ekki eru starfandi skólaskrifstofur, 17.05.2022.
      Fundargerð lögð fram til kynningar. Sveitarstjórn staðfestir.

  4. Umsóknir um starf skólastjóra
    Auglýst var eftir starfskrafti til þess að taka við starfi skólastjóra við Grunnskóla Drangsness 1. ágúst 2022 og barst hreppnum ein umsókn.
    Fræðslunefnd tók umsóknina til umfjöllunar á fundi sínum þann 18. maí síðastliðinn og mælti heilshugar með þeim umsækjanda.

    Umsókn lögð fram til kynningar.
    Sveitarstjórn felur oddvita að ráða umsækjanda.
    Borið upp og samþykkt samhljóða.

  5. Úthlutun veiðidaga í Bjarnarfjarðará
    Búið er að fá uppfærða íbúaskrá frá Hagstofu Íslands og hefur þjónustufulltrúi parað íbúa í tveggja manna hópa. Nemendur við Grunnskólann á Drangsnesi hafa einnig dregið úthlutanir veiðidaga líkt og hefð hefur verið síðustu ára.

    Sveitarstjórn samþykkir úthlutun veiðidaga og felur þjónustufulltrúa að birta niðurstöður í Verslunarfélagi Drangsnes og heimasíðu hreppsins.
    Borið upp og samþykkt með fjórum atkvæðum, eitt situr hjá. 

  6. Erindi nemenda Grunnskóla Drangsness
    Nemendur Grunnskóla Drangsness vildu benda sveitarstjórn á að það þarf að endurnýja skiltið við kerlinguna en það hefur orðið fyrir skemmdum.

    Erindi tekið til kynningar.
    Oddvita falið að bregðast við. Borið upp og samþykkt samhljóða. 

  7. Beiðni Umhverfisstofnunar
    Umhverfisstofnun hefur borist umsókn vegna seiðaeldisstöðvar Nesvegs 5 ehf. Ásmundarnesi í Bjarnarfirði, þar sem áætluð ársframleiðsla verði um 45 tonn af regnbogasilungi.
    Stofnunin óskar eftir umsögn sveitarfélagsins um hvort að sveitarfélagið telji að að áætluð starfsemi Nesvegs 5 ehf. Ásmundarnesi samræmist gildandi aðalskipulagi sveitarfélagsins hvað varðar landnotkun og byggðaþróun og sé í samræmi við samþykkta notkun fasteignar.

    Beiðni lögð fyrir. Oddvita falið að svara beiðni Umhverfisstofnunar.
    Borið upp og samþykkt.  

  8. Erindi Húsnæðis- og mannvirkjastofnunar
    Erindi Húsnæðis og mannvirkjastofnunar er tvíþætt og hljóða svo :

    1. Birting leiðbeininga 9.2.3 gr. og 9.6.23 gr. byggingarreglugerðar
      Húsnæðis- og mannvirkjastofnun (HMS) annast gerð leiðbeininga um nánari framkvæmd byggingarreglugerðar nr. 112/2012 í samráði við Samband íslenskra sveitarfélaga og aðra hagsmunaaðila. Leiðbeiningar við reglugerðina 9.2.3. gr. ,,Greinargerð og sannprófun lausna“ og 9.6.23. gr. ,,Starfsemi sem sérstök hætta stafar af“ eru nú aðgengilegar inn á vef HMS.
    2. Drög að leiðbeiningum um brunavarnir
      Húsnæðis- og mannvirkjastofnun (HMS) annast gerð leiðbeininga um brunavarnir en leiðbeiningar þessar eru meginreglur og í stöðugri endurskoðun. Með erindinu er verið að tilkynna ný drög að leiðbeiningum við reglugerð 747/2018, 18. gr. ,,Húsnæði og fyrirkomulag slökkvistöðva og útistöðva“ og leiðbeiningar við lög nr. 75/2000 um brunavarnir í frístundabyggð eru nú aðgengilegar inn á vef HMS.

           Erindi lögð fram til kynningar.

  1. Aðalskipulag Kaldrananeshrepps
    Sveitarstjórn ákveður að yfirfara gildandi aðalskipulag Kaldrananeshrepps með það fyrir augum hvort þörf sé á breytingum á aðalskipulagi vegna samfélagslegra breytinga.

    Borið upp og samþykkt samhljóða.


Fleira ekki tekið fyrir. Fundargerð lesin upp og samþykkt.
Fundi slitið klukkan 22:50

 

Sveitarstjórnarfundur var haldinn 12. maí 2022

Details
Föstudagur, 13 maí 2022 11:00

Sveitarstjórnarfundur 12. maí 2022

Fimmtudaginn 12. maí 2022 kom sveitarstjórn Kaldrananeshrepps saman til 41. fundar kjörtímabilsins á skrifstofu hreppsins í samkomuhúsinu Baldri á Drangsnesi.
Fundinn sátu þau Finnur Ólafsson, Halldór Logi Friðgeirsson, Margrét Ólöf Bjarnadóttir, Bjarni Þórisson og Arnlín Óladóttir.

Oddviti setti fund kl. 20:00. Bjarni Þórisson ritar fundargerð á tölvu.


Dagskrá 41. fundar:

  1. Ársreikningur 2021 – Seinni umræða
  2. Fundargerð 40. sveitarstjórnarfundar 4.5.2022.
  3. Fundargerðir nefnda
  4. Aðrir fundir
  5. Bréf frá Mennta- og menningarmálaráðuneytinu
  6. Beiðni Karls Björnssonar, framkvæmdastjóra Sambands Íslenskra sveitarfélaga
  7. Fundargerð verkfundar vegna grjótvarnar við höfnina og Grundargötu

 

Fundargerð:

  1. Ársreikningur 2021 – Seinni umræða
    Ársreikningur Kaldrananeshrepps fyrir árið 2021 er hér lagður fram til síðari umræðu. Ársreikningurinn samanstendur af upplýsingum um A-hluta sveitarsjóðs og A- og B- hluta samantekinn. Í A-hluta er aðalsjóður og eignasjóður. Í B-hluta eru hafnarsjóður, vatnsveita og hitaveita. Rekstrartekjur A- og B-hluta Kaldrananeshrepps námu á árinu 158,0 millj. kr., þar af voru rekstrartekjur A-hluta 133,9 millj. kr. Rekstrargjöld A- og B-hluta fyrir afskriftir og fjármagnsliði námu 156,6 millj. kr., þar af voru rekstrargjöld A-hluta 125,0 millj. kr.

    Rekstrarniðurstaða A- og B-hluta á árinu 2021 er neikvæð um 1,8 millj. kr. en rekstrarniðurstaða A-hluta er jákvæð um 3,8 millj. kr.
    Í þessu sambandi er rétt að taka fram að á árinu 2021 fór hitaveitan í framkvæmdir vegna borholu, sú framkvæmd tókst ekki nægjanlega vel og vegna þessa er framkvæmdakostnaður að fjárhæð 18,1 millj. kr. gjaldfærð á árinu 2021 hjá hitaveitunni sem skýrir að stærstum hluta tap B-hluta.

    Eignir A- og B-hluta Kaldrananeshrepps voru í árslok 2021 samtals 332,5 millj. kr. þar af voru eignir A-hluta 361,2 millj. kr. Skuldir og skuldbindingar A- og B-hluta voru á sama tíma 21,2 millj. kr., þar af voru skuldir og skuldbindingar A-hluta 30,1 millj. kr. Eigið fé A- og B-hluta nam 311,3 millj. kr. í árslok, þar af nam eigið fé A-hluta 331,1 millj. kr. Eiginfjárhlutfall A-og B hluta nam 93,6%, og eiginfjárhlutfall A-hluta nam 91,7%.

    Ársreikningur Kaldrananeshrepps fyrir árið 2021 borinn upp til afgreiðslu sveitarstjórnar og samþykktur með fimm atkvæðum, enginn á móti.

  2. Fundargerð 40. sveitarstjórnarfundar 12.4.2022
    Oddviti gerði grein fyrir afgreiðslu mála frá síðasta fundi. Lögð fram til kynningar.

  3. Fundargerðir nefnda
    Engar fundargerðir lágu fyrir.

  4. Aðrar fundargerðir
    Engar fundargerðir lágu fyrir.

  5. Bréf frá Mennta- og menningarmálaráðuneytinu
    Kaldrananeshreppi barst bréf frá Mennta- og menningarmálaráðuneytinu er varðar stuðning við sveitarfélög vegna móttöku barna á flótta frá Úkraínu. Mennta- og barnamálaráðuneytið hefur ákveðið að veita tímabundinn fjárhagslegan stuðning til sveitarfélaga þar sem börn á flótta frá Úkraínu og fjölskyldur þeirra verða með búsetu til að styðja við móttöku, undirbúning á skólastarfi og virka þátttöku barnanna.

    Bréf lagt fram til kynningar.

  6. Beiðni Karls Björnssonar, framkvæmdastjóra Sambands Íslenskra sveitarfélaga
    Á fundi stjórnar Sambands íslenskra sveitarfélaga sem haldinn var 27. apríl síðastliðinn var lagt fram bréf Velferðarvaktarinnar þar sem fram kemur að Velferðarvaktin hafi fjallað um rannsóknarskýrsluna Félagsleg og efnahagsleg staða og brotthvarf úr íslenskum framhaldsskólum og var óskað eftir því að Samband íslenskra sveitarfélaga kynni hana fyrir sveitarfélögum.

    Beiðni og skýrsla lögð fram til kynningar.

  7. Fundargerð verkfundar vegna grjótvarnar við höfnina og Grundargötu
    Verkfundur var haldinn miðvikudaginn 3. mars 2022 á skrifstofu Kaldrananeshrepps varðandi grjótvörn við höfnina á Drangsnesi. Greint er frá því að verkinu er lokið.

    Verkfundur var einnig haldinn fimmtudaginn 31. mars síðastliðinn á verkstað varðandi grjótvörn við Grundargötu. Greint er frá því að búið er að gera um 50% af aðkomuleið og búið er að keyra um 225 m3 af kjarna í aðkomuleið.

    Fundargerð lögð fram til kynningar. Sveitarstjórn staðfestir.

 

Fleira ekki tekið fyrir. Fundargerð lesin upp og samþykkt.

Fundi slitið klukkan 21:03

Skólastjóri óskast við Grunnskólann á Drangsnesi

Details
Föstudagur, 06 maí 2022 13:17

Sveitarstjórnarfundur var haldinn 4. maí 2022

Details
Fimmtudagur, 05 maí 2022 13:29

Sveitarstjórnarfundur 4. maí 2022

Miðvikudaginn 4. maí 2022 kom sveitarstjórn Kaldrananeshrepps saman til 40. fundar kjörtímabilsins á skrifstofu hreppsins í samkomuhúsinu Baldri á Drangsnesi.
Fundinn sátu þau Finnur Ólafsson, Halldór Logi Friðgeirsson, Margrét Ólöf Bjarnadóttir, Bjarni Þórisson og Kristín Einarsdóttir.

Oddviti setti fund kl. 20:00. Bjarni Þórisson ritar fundargerð á tölvu.

Dagskrá 40. fundar:

  1. Ársreikningur 2021 – Fyrri umræða
  2. Fundargerð 39. sveitarstjórnarfundar 12.4.2022.
  3. Fundagerðir nefnda
  4. Aðrir fundir
  5. Starfsmannaráðningar sveitarfélagsins
  6. Kjörskrá Kaldrananeshrepps
  7. Stjórnsýsluskoðun Kaldrananeshrepps 2021
  8. Beiðni Samkomuhússins Baldur
  9. Umsagnarbeiðni Nesvegs 5 ehf.
  10. Beiðni um leiguíbúð í hreppnum

 

Fundargerð:

  1. Ársreikningur 2021 – Fyrri umræða
    Ársreikningur Kaldrananeshrepps vegna ársins 2021 lagður fram.
    Ársreikningurinn vísað til seinni umræðu. Borinn upp og samþykktur samhljóða.

  2. Fundargerð 39. sveitarstjórnarfundar 12.4.2022
    Oddviti gerði grein fyrir afgreiðslu mála frá síðasta fundi. Lögð fram til kynningar.

  3. Fundargerðir nefnda
    Engar fundargerðir lágu fyrir.

  4. Aðrar fundargerðir
    1. Fundargerð stjórnar Félagsþjónustu Stranda og Reykhólahrepps, 11.04.2022.
      Fundargerð lögð fram til kynningar. Sveitarstjórn staðfestir.
    2. SÍS, 17. samráðsfundur skólateymis, fræðslustjóra og sveitarstjóra þar sem ekki eru starfandi skólaskrifstofur, 19.04.2022.
      Fundargerð lögð fram til kynningar. Sveitarstjórn staðfestir.
    3. Samband íslenskra sveitarfélaga, 909. fundur stjórnar, 27.04.2022.
      Fundargerð lögð fram til kynningar. Sveitarstjórn staðfestir

  5. Starfsmannaráðningar sveitarfélagsins
    Auglýst var eftir starfskrafti við Sundlaugina á Drangsnesi sumarið 2022 og bárust hreppnum sex umsóknir.

    Einnig var auglýst eftir umsjónarmanni til að vera með vinnuskólann og barst hreppnum tvær umsóknir vegna umrædds starfs.

    Umsóknir lagðar fram til kynningar.
    Halldór Logi og Margrét Ólöf víkja af fundi vegna vanhæfis.
    Sveitarstjórn ákveður að ráða Ísabellu Petersen og Sigurbjörgu Halldóru Halldórsdóttur í sundlaugina og Unni Ágústu Gunnarsdóttur í unglingavinnuna.

  6. Kjörskrá Kaldrananeshrepps
    Sveitarstjórnakosningar fara fram 14. maí næstkomandi.
    Kjörskrá Kaldrananeshrepps var lögð fram til opinberrar kynningar í tvær vikur. Sveitarfélaginu hafa ekki borist neinar athugasemdir og staðfestir sveitarstjórn Kaldrananeshrepps kjörskrána.

    Borið upp og samþykkt.

  7. Stjórnsýsluskoðun Kaldrananeshrepps 2021
    KPMG sendi sveitarfélaginu glærur vegna niðurstaða varðandi stjórnsýslu sveitarfélagsins og vinnu við endurskoðun ársreiknings fyrir árið 2021.

    Glærur lagðar fram til kynningar og rædd viðbrögð við athugasemdum. Oddviti falið að undirbúa lausnir. Borið upp og samþykkt samhljóða.

  8. Beiðni Samkomuhússins Baldur
    Samkomuhúsið Baldur hefur fest kaup á 6X5 metra gám sem er fyrirhugaður að gera aðstöðu fyrir ferðamenn betri en þar inni er hægt að elda og setið til að snæða.

    Beiðni lögð fram til kynningar.
    Sveitarstjórn tekur jákvætt í erindið og vísar því til bygginga- og skipulagsnefndar.

  9. Umsagnarbeiðni Nesvegs 5 ehf.
    Óskað er eftir umsögn vegna rekstrarleyfis Nesvegs 5 ehf. að Ásmundarnesi en sótt er um eldi fyrir 45 tonna hámarkslífmassa í seiðaeldi á regnbogasilung.

    Umsagnarbeiðni lögð fram til kynningar.
    Sveitarstjórn veitir jákvæða umsögn og fagnar uppbyggingu atvinnustarfsemi í sveitarfélaginu. Borið upp og samþykkt.

  10. Beiðni um leiguíbúð í hreppnum
    Hreppnum barst umsókn þar sem óskað var eftir leiguíbúð í hreppnum.
    Oddvita falið að bregðast við umsókninni.

Fleira ekki tekið fyrir. Fundargerð lesin upp og samþykkt.

Fundi slitið klukkan 22:25

Sveitarstjórnakosningar 2022

Details
Mánudagur, 25 apríl 2022 13:29

Sveitarstjórnakosningar verða laugardaginn 14. maí 2022 og
verða óhlutbundnar kosningar í Kaldrananeshreppi. 

Allir kjósendur í Kaldrananeshreppi eru því í kjöri nema þeir sem löglega eru undanþegnir skyldu til að taka kjöri og hafa fyrirfram skorast undan því.

Eftirtaldir sveitarstjórnarfulltrúar hafa skorast undan kjöri sbr. 5. málsgr. 49. gr. laga nr. 112/2021:
Margrét Ólöf Bjarnadóttir byðst undan endurkjöri. 

Fyrir hönd kjörstjórnar Kaldrananeshrepps,
Jenný Jensdóttir.