Skólastjóri óskast við Grunnskólann á Drangsnesi

Sveitarstjórnarfundur var haldinn 4. maí 2022

Sveitarstjórnarfundur 4. maí 2022

Miðvikudaginn 4. maí 2022 kom sveitarstjórn Kaldrananeshrepps saman til 40. fundar kjörtímabilsins á skrifstofu hreppsins í samkomuhúsinu Baldri á Drangsnesi.
Fundinn sátu þau Finnur Ólafsson, Halldór Logi Friðgeirsson, Margrét Ólöf Bjarnadóttir, Bjarni Þórisson og Kristín Einarsdóttir.

Oddviti setti fund kl. 20:00. Bjarni Þórisson ritar fundargerð á tölvu.

Dagskrá 40. fundar:

  1. Ársreikningur 2021 – Fyrri umræða
  2. Fundargerð 39. sveitarstjórnarfundar 12.4.2022.
  3. Fundagerðir nefnda
  4. Aðrir fundir
  5. Starfsmannaráðningar sveitarfélagsins
  6. Kjörskrá Kaldrananeshrepps
  7. Stjórnsýsluskoðun Kaldrananeshrepps 2021
  8. Beiðni Samkomuhússins Baldur
  9. Umsagnarbeiðni Nesvegs 5 ehf.
  10. Beiðni um leiguíbúð í hreppnum

 

Fundargerð:

  1. Ársreikningur 2021 – Fyrri umræða
    Ársreikningur Kaldrananeshrepps vegna ársins 2021 lagður fram.
    Ársreikningurinn vísað til seinni umræðu. Borinn upp og samþykktur samhljóða.

  2. Fundargerð 39. sveitarstjórnarfundar 12.4.2022
    Oddviti gerði grein fyrir afgreiðslu mála frá síðasta fundi. Lögð fram til kynningar.

  3. Fundargerðir nefnda
    Engar fundargerðir lágu fyrir.

  4. Aðrar fundargerðir
    1. Fundargerð stjórnar Félagsþjónustu Stranda og Reykhólahrepps, 11.04.2022.
      Fundargerð lögð fram til kynningar. Sveitarstjórn staðfestir.
    2. SÍS, 17. samráðsfundur skólateymis, fræðslustjóra og sveitarstjóra þar sem ekki eru starfandi skólaskrifstofur, 19.04.2022.
      Fundargerð lögð fram til kynningar. Sveitarstjórn staðfestir.
    3. Samband íslenskra sveitarfélaga, 909. fundur stjórnar, 27.04.2022.
      Fundargerð lögð fram til kynningar. Sveitarstjórn staðfestir

  5. Starfsmannaráðningar sveitarfélagsins
    Auglýst var eftir starfskrafti við Sundlaugina á Drangsnesi sumarið 2022 og bárust hreppnum sex umsóknir.

    Einnig var auglýst eftir umsjónarmanni til að vera með vinnuskólann og barst hreppnum tvær umsóknir vegna umrædds starfs.

    Umsóknir lagðar fram til kynningar.
    Halldór Logi og Margrét Ólöf víkja af fundi vegna vanhæfis.
    Sveitarstjórn ákveður að ráða Ísabellu Petersen og Sigurbjörgu Halldóru Halldórsdóttur í sundlaugina og Unni Ágústu Gunnarsdóttur í unglingavinnuna.

  6. Kjörskrá Kaldrananeshrepps
    Sveitarstjórnakosningar fara fram 14. maí næstkomandi.
    Kjörskrá Kaldrananeshrepps var lögð fram til opinberrar kynningar í tvær vikur. Sveitarfélaginu hafa ekki borist neinar athugasemdir og staðfestir sveitarstjórn Kaldrananeshrepps kjörskrána.

    Borið upp og samþykkt.

  7. Stjórnsýsluskoðun Kaldrananeshrepps 2021
    KPMG sendi sveitarfélaginu glærur vegna niðurstaða varðandi stjórnsýslu sveitarfélagsins og vinnu við endurskoðun ársreiknings fyrir árið 2021.

    Glærur lagðar fram til kynningar og rædd viðbrögð við athugasemdum. Oddviti falið að undirbúa lausnir. Borið upp og samþykkt samhljóða.

  8. Beiðni Samkomuhússins Baldur
    Samkomuhúsið Baldur hefur fest kaup á 6X5 metra gám sem er fyrirhugaður að gera aðstöðu fyrir ferðamenn betri en þar inni er hægt að elda og setið til að snæða.

    Beiðni lögð fram til kynningar.
    Sveitarstjórn tekur jákvætt í erindið og vísar því til bygginga- og skipulagsnefndar.

  9. Umsagnarbeiðni Nesvegs 5 ehf.
    Óskað er eftir umsögn vegna rekstrarleyfis Nesvegs 5 ehf. að Ásmundarnesi en sótt er um eldi fyrir 45 tonna hámarkslífmassa í seiðaeldi á regnbogasilung.

    Umsagnarbeiðni lögð fram til kynningar.
    Sveitarstjórn veitir jákvæða umsögn og fagnar uppbyggingu atvinnustarfsemi í sveitarfélaginu. Borið upp og samþykkt.

  10. Beiðni um leiguíbúð í hreppnum
    Hreppnum barst umsókn þar sem óskað var eftir leiguíbúð í hreppnum.
    Oddvita falið að bregðast við umsókninni.

Fleira ekki tekið fyrir. Fundargerð lesin upp og samþykkt.

Fundi slitið klukkan 22:25

Sveitarstjórnakosningar 2022

Sveitarstjórnakosningar verða laugardaginn 14. maí 2022 og
verða óhlutbundnar kosningar í Kaldrananeshreppi. 

Allir kjósendur í Kaldrananeshreppi eru því í kjöri nema þeir sem löglega eru undanþegnir skyldu til að taka kjöri og hafa fyrirfram skorast undan því.

Eftirtaldir sveitarstjórnarfulltrúar hafa skorast undan kjöri sbr. 5. málsgr. 49. gr. laga nr. 112/2021:
Margrét Ólöf Bjarnadóttir byðst undan endurkjöri. 

Fyrir hönd kjörstjórnar Kaldrananeshrepps,
Jenný Jensdóttir. 

 

Starfskraftur óskast við Sundlaugina á Drangsnesi sumarið 2022


Sundlaugin á Drangsnesi óskar eftir starfskrafti frá byrjun júní nk. til lok ágúst, yfir sumarið 2022. 
Um er að ræða vaktavinnu sem er unnið viku í senn og frí næstu viku eftir. 

Gerð er krafa á því að umsækjendur séu 18 ára eða eldri. 

Helstu verkefni og ábyrgð :
- Öryggisgæsla við sundlaug 
- Afgreiðslustörf 
- Aðstoð við viðskiptavini 
- Þrif 

Hæfniskröfur : 
- Rík þjónustulund og jákvæðni
- Sjálfstæð vinnubrögð
- Reynsla af sambærilegu starfi er kostur 

Umsóknum skal senda á netfangið This email address is being protected from spambots. You need JavaScript enabled to view it..
Allar nánari upplýsingar veitir Finnur í síma 775-3377.

 

Sveitarstjórnarfundur var haldinn 12. apríl 2022

Sveitarstjórnarfundur 12. apríl 2022

Þriðjudaginn 12. apríl 2022 kom sveitarstjórn Kaldrananeshrepps saman til 39. fundar kjörtímabilsins á skrifstofu hreppsins í samkomuhúsinu Baldri á Drangsnesi.
Fundinn sátu þau Finnur Ólafsson, Arnlín Óladóttir, Margrét Ólöf Bjarnadóttir, Bjarni Þórisson og Kristín Einarsdóttir.

Oddviti leitar afbrigða, bætt verður við lið 24. Hvammur, lausn úr landbúnaðarnotkun.

Oddviti setti fund kl. 20:00. Bjarni Þórisson ritar fundargerð á tölvu.


Dagskrá 39. fundar:

  1. Fundargerð 38. sveitarstjórnarfundar 16.2.2022.
  2. Fundagerðir nefnda
  3. Aðrar fundagerðir
  4. Erindi skjólastjóra vegna viðhalds og fulltrúa hreppsins í áfallaráð
  5. Stefna Kaldrananeshrepps vegna móttöku flóttafólks
  6. Viðhald á sundskýlum Gvendarlaugar hins góða
  7. Beiðni Samkomuhússins Baldur
  8. Fundargerð verkfundar vegna grjótvarnar við höfnina
  9. Aðalfundur Veiðifélags Bjarnarfjarðarár 2022
  10. Afmælisfögnuður Grunnskólans á Drangsnesi
  11. Starfsmannamál Félagsþjónustu Stranda og Reykhólahrepps
  12. Beiðni Akademíu skynjunarinnar
  13. Samvinna sveitarfélaga á Vestfjörðum um barnaverndarþjónustu
  14. Beiðni Íslandsdeildar Transparency International
  15. Íbúaskrá Kaldrananeshrepps 1. desember 2021
  16. Áskorun frá sveitarfélaginu Vogar
  17. Umsagnarbeiðni Söngsteins í Hveravík
  18. Erindi Landssambands lögreglumanna
  19. Bréf frá Römpum upp Ísland
  20. Bréf frá Dómsmálaráðuneytinu vegna endurskipulagningu sýslumannsembætta
  21. Beiðni Karls Björnssonar, framkvæmdastjóra Sambands íslenskra sveitarfélaga
  22. Almannavarnir og Covid 19
  23. Skýrsla Heilbrigðiseftirlits Vestfjarða
  24. Hvammur, lausn úr landbúnaðarnotkun

 

Fundargerð:

  1. Fundargerð 38. sveitarstjórnarfundar 16.2.2022
    Oddviti gerði grein fyrir afgreiðslu mála frá síðasta fundi.
  2. Fundargerðir nefnda
    1. Fundur Héraðsnefndar Strandasýslu, 15.02.2022.
      Fundargerð lögð fram og staðfestir sveitarstjórn Kaldrananeshrepps að samþykkja fyrir sitt leiti að leggja niður Héraðsnefnd Strandasýslu. Borið upp og samþykkt.
    2. Fundur Umhverfis-, skipulags- og byggingarnefndar, 7.3.2022.
      Fundargerð lögð fram og samþykkt í heild sinni. Borið upp og samþykkt.
    3. Stjórnarfundur Sorpsamlags Strandasýslu, 3.3.2022.
      Fundargerð lögð fram til kynningar. Lagt fram til kynningar.

  3. Aðrar fundargerðir
    1. Fundargerð 44. stjórnfundar Vestfjarðastofu og Fjórðungssambands Vestfirðinga, 23.2.2022
      Fundargerð lögð fram til kynningar. Lagt fram til kynningar.
    2. Fundargerð 137. fundar Heilbrigðiseftirlits Vestfjarða, 17.2.2022.
      Fundargerð lögð fram til kynningar. Lagt fram til kynningar.
    3. Fundargerð stjórnar Byggðasamlags Vestfjarða, 30.3.2022.
      Fundargerð lögð fram til kynningar. Lagt fram til kynningar.
    4. Samband íslenskra sveitarfélaga, 907. fundur stjórnar, 25.02.2022.
      Fundargerð lögð fram til kynningar. Sveitarstjórn staðfestir
    5. Samband íslenskra sveitarfélaga, 908. fundur stjórnar, 25.03.2022.
      Fundargerð lögð fram til kynningar. Sveitarstjórn staðfestir

  4. Erindi skólastjóra vegna viðhalds og fulltrúa hreppsins í áfallaráð
    Skólastjóri óskar eftir tímasettri áætlun vegna viðhalds við grunnskólann á Drangsnesi en það eru ýmis málefni sem þarf að ganga í. Verkefni sem um ræðir eru til dæmis að lagfæra ytra byrgði „nýja skóla“, koma í veg fyrir raka og myglu í glerskála, stólageymslu og smíðastofu.

    Í ályktun frá skólaráðsfundi sem var haldinn 30. nóvember síðast liðinn voru fundarmenn um að mikilvægt sé að klára að setja þéttilista í glugga í „nýja skóla“, drena fyrir ofan fótboltavöll, færa rólur sunnan við leikbát eða farga þeim og kaupa nýjar.

    Að auki óskar skólastjóri eftir því að sveitarstjórn skipar fulltrúa hreppsins í áfallaráð til fjögurra ára í senn.

    Erindi lagt fyrir.
    Sveitarstjórn skipar Kristínu Einarsdóttur fulltrúa hreppsins í áfallaráð og felur þjónustufulltrúa að upplýsa skólastjóra. Oddvita er falið að útbúa tímasetta áætlun í samræmi við vilja sveitarstjórnar.
    Borið upp og samþykkt.

  5. Stefna Kaldrananeshrepps vegna móttöku flóttafólks
    Málefni flóttafólks hafa verið áberandi í umræðunni síðustu daga og vikur og hafa sveitarfélög lýst yfir áhuga á að taka á móti flóttafólki. Gert er ráð fyrir að fjöldi einstaklinga mun koma hingað í leit að skjóli vegna stríðsátaka og óskar Félags- og vinnumarkaðsráðuneytið eftir aðstoð sveitarfélaga til að taka á móti flóttafólki frá Úkraínu.

    Þátttakan getur verið sniðin að stærð og getu hvers sveitarfélags.

    Sveitarstjórn tekur vel í beiðni ráðuneytisins og felur oddvita að útbúa stefnu Kaldrananeshrepps vegna móttöku flóttafólks.
    Borið upp og samþykkt samhljóða.

  6. Viðhald á sundskýlum Gvendarlaugar hins góða
    Mikil viðhaldsþörf er á sundskýlum Gvendarlaugar hins góða og er óskað eftir því að sveitarstjórn bregðist við ástandinu fyrir sumarið.

    Sveitarstjórn ákveður að fela oddvita að sjá til að ráðið verði í nauðsynlegar viðhaldsframkvæmdir fyrir sumarið.
    Borið upp og samþykkt samhljóða.

  7. Beiðni Samkomuhússins Baldur
    Samkomuhúsið Baldur óskar eftir styrk sveitarfélagsins sem nemur fasteignagjöldum síðasta árs sem nemur 354.221 kr.

    Beiðni lögð fyrir.
    Sveitarstjórn ákveður að verða við þeirri beiðni. Borið upp og samþykkt.
    Þjónustufulltrúa falið að útbúa staðfestingarbréf.

  8. Fundargerð verkfundar vegna grjótvarnar við höfnina
    Verkfundur var haldinn miðvikudaginn 3. mars 2022 á skrifstofu Kaldrananeshrepps varðandi grjótvörn við höfnina á Drangsnesi. Greint er frá því að verkinu er lokið og að framundan sé að gera sjóvörn við Grundargötu.

    Fundargerð lögð fram til kynningar. Sveitarstjórn staðfestir.

  9. Aðalfundur Veiðifélags Bjarnarfjarðarár 2022
    Sveitarstjórn Kaldrananeshrepps barst fundarboð vegna aðalfundar í Veiðifélagi Bjarnarfjarðarár 2022.

    Fundarboð lagt fram til kynningar og sveitarstjórn felur oddvita að mæta sem fulltrúi sveitarfélagsins í umboði sveitarstjórnar. Borið upp og samþykkt.

  10. Afmælisfögnuður Grunnskólans á Drangsnesi 3. september 2024
    Eftir tvö ár eða þann 3. september 2024 eru 80 ár liðin síðan skólinn á Drangsnesi var vígður. Af því tilefni hefur verið rætt um að skipa afmælisnefnd sem sjá mun um undirbúning afmælisfagnaðar.

    Kannar fræðslunefnd því áhuga sveitarstjórnar á að stofna slíkra nefnd og óskar eftir fund með sveitarstjórn áður en næstu skref verða tekin.

    Sveitarstjórn tekur vel í beiðni fræðslunefndar og er oddvita falið að koma á fundi. Borið upp og samþykkt samhljóða.

  11. Starfsmannamál Félagsþjónustu Stranda og Reykhólahrepps
    Beiðni frá Félagsþjónustu Stranda og Reykhóla:
    Nú stendur til að breyta málefnum barnaverndarinnar og hefur einnig verið rætt að Félagsþjónustan sé undirmönnuð en það fer of mikill tími í skýrslur og skriffinnsku og faglega vinnan sitji á hakanum.

    Kannar því félagsmálastjóri Félagsþjónustu Stranda og Reykhólahrepps áhuga sveitarstjórnar að ráða starfsmann í 70% starf en hann mun sinna heimaþjónustu Strandabyggðar, verkefnastjóri þeirra verkefna sem koma til vegna flóttamanna frá Úkraínu o.s.frv.

    Ef nýr starfsmaður yrði ráðinn til starfa yrði þetta um 2,5 millj. á ársgrundvelli  en deilt verður niður eftir íbúafjölda á hvert sveitarfélag. Væri það því 340 þúsund á ári fyrir Kaldrananeshrepp.

    Beiðni félagsmálastjóra lögð fram og sveitarstjórn Kaldrananeshrepps samþykkir að ráðið verði í umrædda stöðu, ásamt að boða félagsmálafulltrúa á fundar með sveitarstjórninni.
    Borið upp og samþykkt samhljóða.
  1. Beiðni Íslandsdeildar Transparency International
    Íslandsdeild Transparency International var stofnuð árið 2021 á grunni Gagnsæis – samtök gegn spillingu. Transparency eru stærstu alþjóðasamtök heims með það að markmiði að berjast gegn spillingu og fyrir heilindum í stjórnsýslu, stjórnmálum og viðskiptalífi.
    Kannaður er því áhugi sveitarfélagsins við að styðja við deildina með fjárlögum allt frá 000kr. til 250.000kr.

    Beiðni lögð fram til kynningar.
    Sveitarstjórn ákveður að styrkja ekki málefnið að svo stöddu.
    Borið upp og samþykkt.

  2. Samvinna sveitarfélaga á Vestfjörðum um barnaverndarþjónustu
    Umfangsmiklar breytingar eru að eiga sér stað í þjónustu við börn. Þessar breytingar hafa átt sér langan aðdraganda en birtast nú með lögum sem tóku gildi þann 1. janúar 2022.
    Sveitarfélögin á Vestfjörðum hafa farið ólíkar leiðir í meðferð og vinnslu barnaverndarmála en fyrir liggur að sveitarfélögin á Vestfjörðum þurfa að taka afstöðu til fyrirkomulags í meðferð og vinnslu barnaverndarmála.

    Á fundi félagsmálastjóra á Vestfjörðum með framkvæmdastjóra Vestfjarðastofu þann 21. janúar síðast liðinn var möguleg samvinna rædd og ákveðið að vinna sameiginlegar tillögur varðandi útfærslu á sameiginlegri barnaverndarþjónustu á Vestfjörðum.

    Tillögur lagðar fram til kynningar.
    Borið upp og samþykkt samhljóða.

  3. Beiðni Akademíu skynjunarinnar
    Hreppnum barst fyrirspurn frá Akademía skynjunarinnar en þau eru að kynna sýningu sem stendur til að vera haldin á Vestfjörðum víðsvegar, á Ströndum og í Dölum næsta sumar. Langar þeim sérstaklega að kynna sýninguna á Drangsnesi og óska eftir tillögum að sýningarplássi.

    Beiðni lögð fyrir.
    Hugmyndir að sýningarplássi lagðar fyrir og oddvita falið að bregðast við.

  4. Íbúaskrá Kaldrananeshrepps 1. desember 2021
    Íbúaskrá Kaldrananeshrepps lögð fram til kynningar.

  5. Áskorun frá sveitarfélaginu Vogar
    Bæjarráð Sveitarfélagsins Voga hvetur sveitarfélög landsins og Samband íslenskra sveitarfélaga til að veita umsögn og taka afstöðu til frumvarps til laga um að veita Landsneti framkvæmdaleyfi til lagningar Suðurnesjalínu 2 í lofti í sveitarfélaginu. Með frumvarpi þessu er gengið gegn grundvallaratriði stjórnskipunar um að skipulagsvaldið sé hjá sveitarfélögunum.

    Áskorun lögð fram til kynningar.

  6. Umsagnarbeiðni Söngsteins í Hveravík
    Söngsteinn í Hveravík óskar eftir umsögn sveitarstjórnar um leyfi til reksturs veitingarstaðar með vísan til 10. gr. laga nr. 85/2007 um veitingastaði, gististaði og skemmtanahald

    Kristín víkur af fundi vegna vanhæfis.
    Sveitarstjórn gerir ekki athugasemdir og veitir jákvæða umsögn.
    Borið upp og samþykkt samhljóða.
    Kristín kemur aftur inn.

  7. Erindi Landssambands lögreglumanna
    Hreppnum barst fyrirspurn frá Landssambandi lögreglumanna en þau gefa út blaðið Lögreglumaðurinn þar sem fjallað er um málefni lögreglunnar, reynsluheim lögreglumanna, starfsumhverfi þeirra, kjarasamninga og ýmislegt fleira.
    Vonast er eftir því að hreppurinn taki þátttöku í Lögreglumanninum en hægt er að kaupa margskonar auglýsingar sem sýndar verða í blaðinu sem og kveðju til lögreglumanna.

    Erindi lagt fyrir.
    Sveitarstjórn ákveður að verða ekki við beiðninni. Borið upp og samþykkt.

  8. Bréf frá Römpum upp Ísland
    Hreppnum barst bréf frá Römpum upp Ísland en markmið þeirra er að auka aðgengi hreyfihamlaðra að þjónustu, verslun og veitingarhúsum á Íslandi. Kannaður er áhugi sveitarfélagsins á því að taka þátt í verkefni þeirra um þetta mikilvæga mannréttindaátak með fjármagni, vinnu eða aðra aðstoð án endurgjalds.

    Bréf lagt fram til kynningar.
    Sveitarstjórn ákveður að skoða þörf á svæðinu og þá möguleika til að bregðast við því og styðja við það átak. Borið upp og samþykkt.

  9. Bréf frá Dómsmálaráðuneytinu vegna endurskipulagningu sýslumannsembætta
    Kaldrananeshreppi barst bréf frá Dómsmálaráðuneytinu en undanfarin ár hefur ríkið verið á fleygiferð í innleiðingu á starfrænni þjónustu. Vakin er því athygli á þessu mikilvæga verkefni þar sem markmiðið breytinganna er er að efla núverandi starfsemi þannig að úr verði öflugar og nútímalegar þjónustueiningar.

    Bréf lagt fram til kynningar. Sveitastjórn harmar samþjöppun opinberra starfa á höfuðborgarsvæðið og bendir á nýjar áherslur ríkisstjórnarinnar um störf án staðsetningar.

  10. Beiðni Karls Björnssonar, framkvæmdastjóra Sambands íslenskra sveitarfélaga
    Beiðni Karls Björnssonar er þríþætt og hljóða svo:
    1. Átak um Hringrásarhagkerfið
      Á fundi stjórnar Sambands íslenskra sveitarfélaga þann 25. mars 2022 var fjallað um hagsmunagæslu sambandsins í úrgangsmálum en stjórnin fagnar því að átak um Hringrásarhagkerfið sé farið af stað og hvetur sveitarfélög til að nýta sér þá aðstoð sem í því felst.

    2. Innleiðing barnaverndarlaga
      Þann 13. júní sl. samþykkti Alþingi breytingar á barnaverndarlögum sem fela í sér grundvallarbreytingar á uppbyggingu barnaverndar innan sveitarfélaga. Með breytingunni voru barnaverndarnefndir lagðar niður í núverandi mynd og meginábyrgð daglegrar þjónustu barnaverndar falin barnaverndarþjónustu.

    3. Viðmiðunarreglur um framlög til stjórnmálaflokka
      Samband íslenskra sveitarfélaga hefur sett viðmiðunarreglur um framlög til stjórnmálaflokka en sveitarfélag skal veita stjórnmálasamtökum, sem fengið hafa a.m.k. einn mann í kjörinn í sveitarstjórn eða hlotið hið minnsta 5% atkvæða í næstliðnum sveitarstjórnarkosningum, árleg framlög til starfsemi sinnar.

      Beiðnir lagðar fram til kynninga.  

  11. Almannavarnir og Covid 19
    Sveitarstjórn fer yfir nýjustu sóttvarnarráðstafanir fyrir starfsemi sveitarfélaga og leggur nýjustu reglugerðir, leiðbeiningar og takmarkanir fram til kynningar.

  12. Skýrsla Heilbrigðiseftirlits Vestfjarða
    Eftirlitsskýrsla Heilbrigðiseftirlits Vestfjarða lögð fram til kynningar og umræðu þar sem við á.

    Vatnsveitan á Drangsnesi stenst kröfur neysluvatnsreglugerðar 536/2001. Sýnið var tekið 7. apríl síðast liðinn í Drangi, krana 3.

    Skýrsla lögð fram til kynningar.

  13. Hvammur, lausn úr landbúnaðarnotkun
    Oddviti gerði grein fyrir landbúnaðarnotum í landi Hvamms í Bjarnarfirði.

    Fyrir liggur erindi um lausn úr landbúnaðarnotum fyrir hluta jarðarinnar úr landbúnaðarnotum í tengslum við breytingar á aðalskipulagi vegna frístunda- og ferðþjónustusvæðis á landinu.

    Landbúnaðarnot lögð fram til kynningar.
    Sveitastjórn samþykkir að heimila lausn lands, úr hluta jarðarinnar Hvamms úr landbúnaðarnotum sbr. 5. gr. jarðalaga nr. 81/2001 með síðari breytingum.
    Borið upp og samþykkt.

Fleira ekki tekið fyrir. Fundargerð lesin upp og samþykkt.
Fundi slitið klukkan 22:11