Rýmingaráætlun

EF VIÐVÖRUNARKERFIÐ FER Í GANG SKAL UNNIÐ EFTIR EFTIRFARANDI RÝMINGARÁÆTLUN:



  1. Skólastjóri fer að stjórntöflu brunaviðvörunarkerfis, stöðvar vælu og kannar hvaðan brunaboðið kemur.
  2. Ef um hættuástand er að ræða eru viðvörunarvælur aftur gangsettar, samband haft við neyðarlínu í síma 112 og tilkynnt um hættu. Ef um falsboð er að ræða er það tilkynnt til Securitas í síma 533 5533.
  3. Kennarar undirbúa rýmingu kennslustofunnar og fara eftir ákveðnum leiðbeiningum sem er að finna í öllum kennslustofum. Teikningar af útgönguleiðum eru á göngum skólans. Nemendur yfirgefa ekki kennslustofur fyrr en kennari hefur kannað hvort útgönguleiðin sé greið. Hver kennari er ábyrgur fyrir þeim hóp sem hann er að kenna þegar hættuástand skapast og að koma nemendum á rétt söfnunarsvæði og þarf hann að muna eftir nafnalista. Ætíð skal velja þann neyðarútgang sem er næstur.
  4. Þegar komið er út á söfnunarsvæðin er mjög mikilvægt að nemendur standi í stafrófsröð hjá sínum kennara sem fer yfir nafnalistann og kannar hvort allir séu komnir út. Kennarinn kemur síðan upplýsingum um stöðuna til umsjónarmanns söfnunarsvæðis.
  5. Umsjónarmaður söfnunarsvæðis kemur upplýsingum um stöðuna til skólastjóra.
  6. Þegar björgunaraðilar koma á staðinn gefa skólastjórnandi/umsjónarmaður varðstjóra upplýsingar um stöðuna.

Framundan

December 2019
M T W T F S S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Breyta