Styttist í frumsýningu

Nú styttist í árshátíð Grunnskólans á Drangsnesi en við munum frumsýna leikverk föstudaginn 7. apríl í samkomuhúsinu Baldri kl. 19:00 og eru allir hjartanlega velkomnir.

Að þessu sinni var ákveðið að setja saman verk þar sem ýmsar þekktar senur úr Dýrunum í Hálsaskógi, Karíusi og Baktusi og Kardemommubænum eftir norska leikskáldið Thorbjörn Egner er blandað saman við frumsamið efni. Sjálfur Egner treður meira að segja upp í verkinu og þeir bræður Karíus og Baktus koma við hjá Hérastubbi bakara. Börn og starfsfólk leikskólans mun taka þátt í uppsetningunni ásamt nemendum GáD. Margt fleira er framundan hjá okkur s.s. eins og matjurta- og grásleppusmiðja, danskennsla á Hólmavík o.fl.

Við bendum ykkur á að fylgjast með á vinasíðunni okkar á Facebook þar sem fréttir úr starfinu birtast vikulega.

 

Mys 2017

Nýárskveðja

Starfsfólk og nemendur Grunnskólans á Drangsnesi sendir hugheilar nýárskveðjur til vina og velunnara skólans. Skóli hefst að nýju miðvikudaginn 4. janúar skv. stundatöflu.

Við hlökkum til spennandi verkefna á nýju ári.

Jol tre3 minni

Gleðileg jól!

Við sendum nemendum, fjölskyldum þeirra, vinum og velunnurum skólans hugheilar jóla- og nýárskveðjur.

Með jólakveðju

starfsfólk Grunnskólans á Drangsnesi

Jol kort sida

 

Jólaskemmtun Grunnskólans á Drangsnesi

Komið er að árlegri jólaskemmtun Grunnskólans á Drangsnesi, einum af stórviðburðum skólaársins. Jólaskemmtunin verður haldin í skólanum fimmtudaginn 15. desember kl. 16:00-17:30, nemendur skólans munu flytja nokkur atriði ásamt starfsfólki, dansað verður í kringum jólatréð, sungið og tekið á móti jólasveinum. Heitt súkkulaði, kaffi og annað góðgæti verður á boðstólum eins og undanfarin ár.

Allir eru hjartanlega velkomnir!

jol2015

 

Opið hús við annarskil

Við bjóðum alla íbúa Kaldrananeshrepps; foreldra, ömmur, afa, frænkur, frændur og aðra vini skólans hjartanlega velkomna á opið hús föstudaginn 4. nóvember hér í skólanum frá kl. 11:00-12:10

Dagskráin verður fjölbreytt en nemendur og starfsfólk munu sýna og segja frá verkefnum haustannar. Foreldrar barnanna munu sjá um veitingar en nemendur í heimilisfræði munu einnig bjóða upp á eitthvað spennandi að smakka úr gróðurhúsinu. Meðal þess sem verður á dagskrá opna hússins er upplestur, hreyfimynd um skólann í framtíðinni og leikin mynd sem byggir á sögulegum viðburði eða þegar skotið var á vitann í Grímsey í heimstyrjöldinni síðari.

Við hlökkum til að sjá ykkur!

Rafn kynnir

Framundan

Október 2017
M T W T F S S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

Breyta